لاہور میں رجسٹرڈ کیے گئے 28 ہزار ٹائیگر فورس کے جوان شہر سے غائب، یہ تمام لوگ کہاں ہیں؟حکومتی موقف سامنےآگیا

لاہور (آن لائن) لاہور میں کورونا وائرس سے پیدا ہونے والی سنگین صورتحال سے نمٹنے کے لئے پنجاب حکومت کی جانب سے لاہور شہر میں رجسٹرڈ کیے گئے 28 ہزار ٹائیگر فورس کے جوان شہر سے غائب ہو گئے ہیں، ٹائیگر فورس کے جوان گزشتہ کئی روز سے نہ تو کسی ہسپتال میں اور نہ ہی کسی قرنطینہ مرکز میں موجود ہیں یہاں تک کہ ان کی ذمہ داریاں شہر کے اتوار بازاروں، ماڈل بازاروں میں بھی لگائی گئی تھیں لیکن کورونا وائرس کے

باعث سمارٹ لاک ڈائون کے تحت شہر کے بیشتر علاقے بند ہونے کے باوجود ٹائیگر فورس کا کوئی اہلکار ان مقامات پر نظر نہیں آیا جبکہ اس سلسلے میں پاکستان تحریک انصاف کی رکن پنجاب اسمبلی مسرت جمشید چیمہ کا کہنا ہے کہ رجسٹرڈ کیے گئے ٹائیگر فورس کے نوجوان اعزازی ہیں انہیں کوئی معاوضہ نہیں دیا جا رہا ،یہ بات درست ہے کہ وہ کسی مقام پر نظر نہیں آتے لیکن امریکہ، اٹلی، فرانس جیسی صورتحال پیدا ہونے کی صورت میں ٹائیگر فورس حرکت میں آئے گی۔

The post لاہور میں رجسٹرڈ کیے گئے 28 ہزار ٹائیگر فورس کے جوان شہر سے غائب، یہ تمام لوگ کہاں ہیں؟حکومتی موقف سامنےآگیا appeared first on JavedCh.Com.

from JavedCh.Com http://javedch.com/pakistan/2020/06/30/693066