سکیورٹی گارڈ حسن علی کی شہادت کا سن کر انکی بہن بھی صدمے سے انتقال کر گئیں
اسلام آباد، عمر کوٹ(مانیٹرنگ ڈیسک، این این آئی ) پاکستان سٹاک ایکس چینج پردہشتگردوں کے حملے میں سکیورٹی گارڈ حسن علی کی شہادت کا سن کر صدمے سے ان کی بہن بھی انتقال کر گئیں ۔نجی ٹی وی کے مطابق جب ان کی بہن کو یہ اطلاع ملی کہ حملے میں ان کا بھائی بھی شہید ہو گیا تو ان کی حالت خراب ہوگئی اور تھوڑی دیر بعد خالق حقیقی سے جا ملیں ۔
دوسری جانب اسٹاک ایکس چینج پر دہشت گردوں کی جانب سے اس حملے کو ناکام بنانے میں ایک اہم کردار آر آر ایف پولیس کے اہلکار محمد رفیق سومروکا بھی ہے اس جوان کا تعلق عمرکوٹ کے نواحی گاوں حاجی چنیسرسومرو سے تعلق ہے واقعے بعد سپاہی رفیق سومرو کے گھر پر مبارکباد کا سلسلہ شروع ہوچکاہے، عمرکوٹ سے ملحقہ تھر کے گائوں حاجی چنیسر سومرو کے نوجوان نے وہ کارنامہ سرانجام دیا جو ہر سیکورٹی ادارے کے اہلکار کا ایک خواب ہوتاہے جی ہاں اسٹاک ایکس چینج پر دہشت گردوں کی جانب سے حملہ کیا گیا لیکن پاکستانی سیکورٹی اداروں نے فوری اور موثر کاروائی کرکے پاکستان کو ایک بڑے سانحے سے بچالیا اور حملہ آور چاروں دشتگردوں کو جہنم رسید کیا اس کامیاب کاروائی رینجرز کے ساتھ ساتھ ریپڈ ریسپانس فورس نے حصہ لیا آر آر ایف فورس میں محمد رفیق سومرو شامل تھا جس نے ہمت بہادری اور شجاعت کیساتھ دہشت گردوں کا مقابلہ کیا اور دہشت گردوں کو مکمل طور ناکام بنادیا جیسے ہی یہ خبر آئی تو پولیس اہلکار محمد رفیق کے گھروالوں میں خوشی کی لہر دوڑ گئی اور علاقہ مکین مبارکباد دینے انکے گھرپہنچ گئے، محمد رفیق کے والد نے کہا کہ میرے بیٹے نے جو کارنامہ سرانجام دیا اس نے نہ صرف میرا بلکہ پورے ملک کا سرفخر سے بلند کردیا ہے، پورے گائوں میں خوشی کی لہر ڈور گئی ہے ۔
The post سکیورٹی گارڈ حسن علی کی شہادت کا سن کر انکی بہن بھی صدمے سے انتقال کر گئیں appeared first on JavedCh.Com.
from JavedCh.Com http://javedch.com/pakistan/2020/06/30/693239
Comments
Post a Comment